純手工拖肥脆脆杏仁糖20- 22粒 (新年預購 2026)

Guru介紹

我哋呢款本地薑人手新鲜製作，係用左日本綿白糖 法國cream 牛油慢火焦化而成 焦化程度只能靠經驗 加上慢火焗大粒美國原粒杏仁 馬達加斯加雲尼拿油製成

拖肥糖（太妃糖）炒起後要趁佢熱辣辣唔注意既時候定形切割 所以只可以一底底做 如果唔係佢一硬就會切到散曬 之後再要密封5日等佢變得酥鬆 成個步驟非常考經驗完全係粒粒辛苦

炒糖首先係慢火加熱 融合所有材料 然後 快火揮發水份 後面再轉中火等糖焦化 中間全程要攪 唔可以停 唔可以熄火 唔可以走開

每炒一次大概 30到45分鐘，炒到手瓜起展

我哋每次以少量製作，控制火候，務求每一粒都做到到咁好食！

呢款拖肥糖有別於我哋由細食到大嘅樂家，對我嚟講比see's更好食！

原因係，我鍾意食甜品但唔鍾意太甜！好鍾意焦糖但又怕太癡口！食一兩粒酒已經非常漏！

呢一隻好簡單-杏仁炒得啱啱好，夠香但又唔會燶，拖肥香脆唔會漏！絕對會不停1粒接1粒！係必定要試吓嘅手工零食